OS PATEXEIROS

Os Patexeiros, no seu afán de búsqueda de coñecementos sobre a navegación tradicional, contactaron cuns amigos de Holanda, que nos explicaron un pouco as características dos barcos típicos dos deltas dos ríos dos Paises Baixos, os Hoogars . "Un Hoogaars ten o fondo plano: flota máis ben sobre auga que dentro dela. Coas velas izadas navegaría só na dirección que sopla o vento; pero cando baixa a leeboard (táboa de sotavento) no leeside (banda de sotavento) pode chegar a ceñirse preto dos 45º ou 50º graos con respecto ó vento real, coma calquera outro veleiro con quilla. Cando un Hoogaars vira e comeza a dar bordadas, a tripulación ten que izar a táboa no luffside (lado da orza) , sacala da auga e subir a táboa no novo leeside (lado de sotavento). Esto último ten que facerse no tempo axeitado: si se fai demasiado pronto, a táboa sube, xa que está feita de madeira; si se fai demasiado tarde a táboa queda atrancada, en contacto ca banda do barco, e non aca

O pasado venres foi tarde de botaduras no estaleiro de Pepe en Lorbé. Presenciadas por innumerables amigos, visitantes asíduos do estaleiro e curiosos de paso, tiveron lugar tres botaduras ó longo da tarde. A primeira foi do Sol, o bote que Pepe estivo facendo nestes últimos meses e que por fin lle chegou a hora de tocar auga por primeira vez. O segundo en acariciar as ondas do mar de Lorbé foi o Tina Husted, ó que David deixou tan bonito como vedes nas fotos. E por último, a nosa Balbina, que volve ó mar tras un pequeno lifting, e tras aplicarlle un novo maquillaxe. Orgullosos de vela no mar estábamos todos os Patexeiros, e varios amigos que acudiron a ver o ben que lle sentaban as súas cores orixináis. Ainda nos queda moito traballo con ese barco, pero a primeira fase xa está rematada ¡¡¡ e quedou bén!!! ¿ou non? Agora xa casi luce como naquela foto coa que ilustrábamos o ano pasado as nosas I XORNADAS SOBRE NAVEGACIÓN TRADICIONAL (Zodiac aparte). by Palmeirán

O primeiro paso na restauración da Balbina xa está dado. Arranxáronse os desperfectos causado polo temporal, amura de estribor nova, cambiáronse algunhas tablas podres, recravóuse todo o casco, calafateóuse, pintóuse o casco e dóuselle patente. Tamén se lle puxeron unhas cornamusas novas para que quede ben amarradiña. Agora está pendente do seu traslado de novo a Sada. Ainda queda moito para vela navegar pola ría. Arranxar toda a cuberta, arranxar o motor, meterlle a vela, etc..., pero xa sabedes, esto sen axudas, sen subvencións, fáisenos moi duro, así que pouco a pouco pero sen pausa. by Palmeirán

Neste 3º día moita animación, moitas ganas de traballar, de facer cousas. Empezamos a arranxar o Arrecarallo, que como vedes, atópase nun estado lamentable. De feito o consello do carpinteiro era de non arranxalo xa que casi sairía como un novo. Pero a efectos de facer prácticas con él metémoslle man para ir poñendo en práctica o que se vai aprendendo. Empezamos por desfacer parte da regala, e mentras uns a desfacían, outros cepillaban, outros axudaban a Pepe no corte das pezas, incluso algún se atreveu coa serra, outros preparábamos unhas unións tipo cola de milano-raio de xúpiter, e ademáis o amigo Juanjo de Ares atrevéuse a facer unha das cornamusas. O tempo pasóunos voando, e a xente tiña ganas de máis, de facer máis cousas. Xa todos estamos desexando que chegue o vindeiro día. by Palmeirán

Esta semán non houbo cursiño de carpintería por mor do festivo deste sábado. Pero no Estaleiro de Pepe en Lorbé abonda o traballo. Ó longo desta semán podedes ver no carro ó Tina Husted, ese vello veleiro que vedes asíduamente fondeado en Sada. Este barco, construído en Dinamarca en 1947, estivo presente en Brest 2008. Para saber máis sobre o Tina Husted , ou tamén ver a súa páxina oficial . Tamén, se vos acercades por Lorbé podedes ver xa rematado o bote que estaba facendo Pepe ó longo deste pasado mes. E por último contarvos que a Betty, un novo barco que navegará na flota patexeira, tamén entrou no estaleiro de Lorbé para facerlle reparacións de emerxencia para poder botalo ó mar. Outro barco máis que salvamos de ir para o lume. by Palmeirán