TRASLADO DA BALBINA O CARPINTEIRO DE LORBÉ

O pasado sábado, e despois de estar dous meses esperando a que o mal tempo nos dera unha tregua, por fin nos aventuramos a levar á Balbinaó carpinteiro de Lorbé.

Como xa sabedes, o motor ainda non está como para traballar, e houbo que remolcala, neste caso con duas zodiacs, unha a proa (a de Xose Manuel) e outra mais pequena a popa, facendo as veces tamén de timón.

O Capitán (mellor dito o Comandante) Martiño dirixiu con bo pulso a operación, que foi un exitazo, non tivemos ningún problema e chegamos a Lorbé en algo menos de unha hora.

E Alá nos estaba a agardar o Pepe, o carpinteiro co carro na rampa. Agora xa está en terra, e lista para empezar a restauración (cando se poda). Así que todo o que quera ir a admirar esta fermosura, pode facelo no porto de Lorbé, onde estará por varios meses.

Sabemos que todo o que via por alí ó verlle a súa popa vaise namorar dela, así que xa sabedes. Agora, mais que nunca, precisamos do apoio do todos.

E tamén estamos encantados de anunciar que :

POR FIN, E TRAS VARIOS MESES DE PAPELEOS E ESPERAS, A BALBINA XA ESTÁ OFICIALMENTE CEDIDA A NOSA ASOCIACIÓN, E NON SE DESMANTELARÁ SENON QUE SERÁ BAIXA POR CAMBIO DE LISTA.

Esta noticia, coñecímola a seman pasada. Agora xa poderemos navegar nela , unha vez reparado o metor e a obra morta.

Por último, agradecer públicamente a todos os que dalgún xeito nos botaron unha man para poder facer este traslado: a Xose Manuel, que nos remolcou por proa, a Jaime coa zodiac do C.N. Recreativo que nos fixo de Timón, ó Capitán marítimo de Sada, que nos asinou un permiso especial para podela levar por mar remolcada, a Marina Sada, que nos apoiou unha vez mais coa loxística, ó Pepe, o carpinteiro, e como non, ó imprescindible Comandante Martiño.

Podedes ver as fotos do traslado no albun que tedes ahí na esquerda, e algún pequeno video tamén sección de videos